Қишлоқ хўжалиги вазири ўринбосари Қишлоқ хўжалиги ва озиқ-овқат таъминоти илмий-ишлаб чиқариш маркази Бош директори Б.Сулаймонов, Қишлоқ хўжалиги вазирлиги ҳамда Илмий марказнинг тегишли мутасадди масъуллар билан биргаликда жорий йилнинг 5-6 ноябрь кунлари Сабзавот, полиз экинлари ва картошкачилик илмий-тадқиқот институтининг Андижон илмий-тажриба станциясига ташриф буюрди.
Улар Сабзавот, полиз экинлари ва картошкачилик илмий-тадқиқот институтининг Андижон илмий-тажриба станциясида Жаҳон банки томонидан молиялаштирилиб қурилаётган уруғчилик лаборатория ва 100 тонна сиғимли совутгичли омбор ҳамда ГИЗ томонидан молиялаштирилиб қурилаётган 100 тонна сиғимли совутгичли омбор ва картошкадан чипс ишлаб чиқариш цехининг қурилиш жараёнлари билан танишди.
Б.Сулаймонов Сабзавот, полиз экинлари ва картошкачилик илмий-тадқиқот институтининг Андижон илмий-тажриба станциясида қурилаётган уруғчилик лабораторияси, 100 тонна сиғимга эга совуткичли омборхоналар ва картошкадан чипс ишлаб чиқариш цехини қуриш ҳамда фаолиятини йўлга қўйиш бўйича тегишли кўрсатма ва топшириқларни берди.
