Бугун Андижон вилояти Андижон туманида жойлашган Сабзавот, полиз экинлари ва картошкачилик илмий-тадқиқот институти Андижон илмий тажриба станцияси дала майдонида “Тўқсонбости усулида сабзавот экинларини экиш ва парваришлаш” бўйича Андижон вилоят Қишлоқ хўжалиги бошқармаси бўлим бошлиқлари, Андижон Қишлоқ хўжалиги ва агротехнологиялари институти олимлари ва тумандаги жами 65 нафардан ортиқ сабзавоткор деҳқон ва фермер хўжаликлари рахбарлари иштирокида кўргазмали дала семинари ўтказилди.
Семинарда Андижон илмий тажриба станциясида яратилган янги ва мавжуд сабзавот уруғлари кўргазмаси ташкил этилди. Тўқсонбости усулида сабзавотларни экиш ишлари амалий кўрсатилди.
